Европа чемпионлар лигасиининг умумий босқичи 2-туридан ўрин олган «Қайрат» – «Реал Мадрид» учрашуви олдидан катта ажиотаж кузатилмоқда. Ушбу беллашув 30 сентябрь куни Олма-Отадаги «Марказий» стадионида бўлиб ўтади.

Манбанинг маълум қилишича:

«Одамлар эрталабданоқ “Қайрат” томонидан рухсат берилган турли майдончаларда, жумладан расмий сайт орқали рўйхатдан ўтишни бошлади. Савдолар расман бошланишидан бир соат олдиноқ 50 мингта ариза келиб тушди, савдо бошланганидан бир соат ўтиб эса улар сони 215 мингтага етди.

Расман эълон қилинди: чипталар бир карта ва индивидуал код орқали чекланади. Спекуляцияларни олдини олиш мақсадида чипталар учрашув бошланишидан олти соат олдин берилади. Бу жиҳатдан “Қайрат” яхши ишлади. Хавфсизлик нуқтаи назаридан стадионнинг биринчи қаторлари сотилмайди. Стадион сиғими тахминан 23 минг томошабинга мўлжалланган.

Чипталар Қозоғистон ва ҳатто Европа миқёсида жуда қиммат ҳисобланади. «Барселона» — «Реал Мадрид» дербисига ҳам арзонроқ чипта топиш мумкин. Бу учрашув учун Қозоғистонга «Реал» мухлисларидан жуда кўп киши келиши кутиляпти. Бундай ажиотаж охирги марта “Қайрат” ЕЧЛ саралаш босқичида “Селтик”ка қарши ўйнаганида кузатилганди — ўша пайтда ўн минглаб одамлар ўйинга кира олмаган. Миллий жамоа билан ҳам шундай ҳолат 2010 йилги Жаҳон чемпионати саралашида, Англия Бекхэм ва Руни билан келганида содир бўлган эди», — деб маълум қилди вазиятдан хабардор манба «Чемпионат» мухбири Николай Барановга.