Ральф Рангник касалхонада даволанмоқда.
Австрия терма жамоасининг бош мураббийи ўтган ҳафта Бавариянинг Мурнау-ам-Штаффельзее шаҳрида жойлашган клиникада ўнг тўпиғидан операция бўлди.
Bild газетасининг хабар беришича, немис мутахассиси жамоасининг яқин орадаги ўйинлари учун қайдномани ўзи эълон қила олмайди. 29 сентябрь куни бу вазифани унинг ёрдамчиси Ларс Корнетка бажаради.
Рангникнинг шифохонада узоқ вақт қолишига сабаб, бир неча операциядан сўнг юқтирган инфекциясидир. Энди уни даволаш учун қўшимча чоралар кўриш зарур бўлмоқда. Чоршанба куни 67 ёшли мураббий яна бир бор жарроҳлик амалиётидан ўтади.
