Мадриднинг "Реал" клуби бош мураббийи Хаби Алонсо ярим ҳимоячи Эдуардо Камавинганинг ўйинидан олган таассуротлари билан ўртоқлашди.
Яқинда жароҳатини даволаган француз Ла Лиганинг "Леванте"га қарши ўйинида 82-дақиқада захирадан майдонга тушди. Бу вақтга келиб таблода 4:1 ҳисоби порлаб турган эди.
"Камавинга ажойиб ҳолатда. У жуда ҳаракатчан, кўплаб фазилатларга эга ўйинчи ва мен унинг қайтганидан хурсандман. У Жуд Беллингем каби аста-секин кўникиб боради. Эдуардо биз учун муҳим бўлади," - деди Алонсо ўйиндан кейинги матбуот анжуманида.
Эдуардо Камавинга жароҳат туфайли деярли беш ой - апрелдан сентябргача майдонга тушмади.
