Madridning "Real" klubi bosh murabbiyi Xabi Alonso yarim himoyachi Eduardo Kamavinganing o‘yinidan olgan taassurotlari bilan o‘rtoqlashdi.
Yaqinda jarohatini davolagan fransuz La Liganing "Levante"ga qarshi o‘yinida 82-daqiqada zaxiradan maydonga tushdi. Bu vaqtga kelib tabloda 4:1 hisobi porlab turgan edi.
"Kamavinga ajoyib holatda. U juda harakatchan, ko‘plab fazilatlarga ega o‘yinchi va men uning qaytganidan xursandman. U Jud Bellingem kabi asta-sekin ko‘nikib boradi. Eduardo biz uchun muhim bo‘ladi," - dedi Alonso o‘yindan keyingi matbuot anjumanida.
Eduardo Kamavinga jarohat tufayli deyarli besh oy - apreldan sentyabrgacha maydonga tushmadi.
