"Бавария"нинг 23 ёшли ҳужумчиси Майкл Олисе клубдан жуда катта таклиф олиши мумкин.

Liverpool Echo хабарига кўра, "Бавария" раҳбарияти франциялик вингернинг "Ливерпуль"га кетиш эҳтимолини истисно қилиш учун унга янги йирик шартнома таклиф қилиш имкониятини кўриб чиқмоқда. Миш-мишларга ишонадиган бўлсак, Олисе "Реал"нинг шорт-листида ҳам бор.

2024 йилнинг ёзида "Бавария" Олисени "Кристал Пэлас"дан 53 миллион еврога сотиб олганди. Футболчи мавсум охиригача - 2028/29 йилларга мўлжалланган меҳнат шартномасини имзолади.

Жорий мавсумда ҳужумчи барча турнирларда еттита ўйин ўтказиб, тўртта гол урди ва учта голли узатмани ўз ҳисобига ёздириб қўйди.