Италиялик мураббий Доменико Тедеско тез орада Туркиянинг "Фенербахче" клубини тарк этиши мумкин. Бу ҳақда Т24 хабар берди.
Тедесконинг клубдаги келажаги УЕФА Европа Лигасида Загребнинг "Динамо"сига мағлуб бўлганидан кейин муҳокама қилинди. Унинг ушбу учрашув учун таркиб танлаши кўплаб мутахассисларни ҳайратда қолдирди.
Тедеско шу йилнинг сентябрь ойи бошида "Фенербахче" бош мураббийига айланган эди. Чемпионатда "Трабзонспор" устидан қозонилган 1:0 ҳисобидаги ғалабадан сўнг "Аланьяспор" (2:2) ва "Қосимпошо" (1:1) билан дуранглар қайд этилди. Жамоа пешқадамдан 6 очко ортда қолган ҳолда учинчи ўринда бормоқда.
Ҳозирча, Тедеско терма жамоалар ўртасидаги танаффусга қадар истеъфога чиқарилиб, жамоа Айкут Кожаман ва Волкан Демирел бошқарувига ўтказилиши эҳтимоли бор.
