"Бетис"нинг бразилиялик ҳужумчиси Антони Европа Лигаси янги мавсумининг 1-туридан ўрин олган "Ноттингем Форест"га қарши ўйиндан сўнг ўз фикрларини билдириб ўтди.
Беллашув 2:2 ҳисобида дуранг билан якунланди. Антони майдонда тўлиқ 90 дақиқа ҳаракат қилиб, гол урди ва голли узатмани амалга оширди.
"Мен енгилликни ҳис қиляпман. Ўйин олдидан акам менга бугун гол уришимни ёзди. Голдан жуда хурсандман, аммо дуранг натижадан бироз хафа бўлдим," - деди Антони.













