Opta мутахассислари суперкомпьютер ёрдамида жамоаларнинг Конференциялар Лигасида ғалаба қозониш имкониятларини ҳисоблаб чиқишди. Ҳисоб-китоблар шуни кўрсатдики, қитъанинг учинчи клуб турнирида ғалаба қозониш учун энг катта имконият "Кристал Пэлас"га тегишли. Лондон "бургутлари"нинг имкониятлари 49,25%.
Иккинчи ўринда "Фиорентина" (10,29 фоиз), учликни "Страсбург" (10,14 фоиз) якунлаб берган. Кўриб турганимиздек, "Кристал Пэлас" Конференциялар лигасининг сўзсиз фаворити ҳисобланади.
Эслатиб ўтамиз, "Кристал Пэлас" 2025 йилда Англия кубоги ва Англия Суперкубогини қўлга киритган.
Ўтган мавсумда Конференциялар лигаси кубоги "Челси"га насиб этганди.
