"Бавария" жорий мавсумни жуда ишончли бошлади. Мюнхен гранди мавсумнинг дастлабки еттита расмий ўйинида, шу жумладан тўртта Бундеслига ўйинида ғалаба қозонди. Жамоа сўнгги бор бундай серияни 2018/19 йилги мавсум стартида Нико Ковач қўл остида ўтказганди. Bayern & Germany хабарига кўра, саккизинчи ғалаба бўлган тақдирда, бош мураббий Венсан Компани Карло Анчелоттининг 2016 йилдаги дастлабки саккизта ўйиндаги ғалабали натижасини такрорлаши мумкин.
Бугун Германия чемпионати доирасида мюнхенликлар Бременнинг "Вердер" клубига қарши ўйин ўтказади. Учрашув Тошкент вақти билан 23:30'да старт олади.
