Испаниялик машҳур яримҳимоячи Серхио Бускетс фаолиятини якунлашга қарор қилди. У мавсум охирида бутсаларини михга илади.
Каталониянинг "Барселона" клуби собиқ футболчисининг баёнотига муносабат билдирди.
"Ҳаётинг клуби. "Барса" афсонаси. Серхио, ўйининг учун раҳмат," - дейилади "кўк-анорранглилар" матбуот хизмати тарқатган хабарда.
Бускетс "Барселона" академияси тарбияланувчиси ҳисобланади. "Кўк-анорранглилар"нинг асосий жамоасида ярим ҳимоячи 2008 йилдан 2023 йилгача ўйнаган.
Каталонияликлар билан биргаликда у кўплаб совринларни қўлга киритди. Ҳозирда Серхио Американинг "Интер Майами" клуби футболчиси ҳисобланади.
