Туркия футбол федерацияси (ТФФ) президенти Иброҳим Ҳожиосмонўғли ФИФА ва УЕФАга мактуб йўллаб, Исроил клублари ва терма жамоасини зудлик билан мусобақадан четлатишни талаб қилди, деб хабар бермоқда NTV Spor.
Ҳожиосмонўғлининг фикрича, спорт олами ва футбол институтлари Исроил амалга ошираётган хатти-ҳаракатларга нисбатан жуда узоқ вақт сукут сақлаган.
"Йиллар давомида гуманитар ташкилотлар Исроилнинг ҳаракатлари оқибатида юзага келган ўлим ва азоб-уқубатлар масаласини кўтариб келмоқда. Кундан-кунга бегуноҳ одамлар ҳалок бўлмоқда. Энди ФИФА ва УEФА ҳаракат қиладиган вақт келди. Исроил зудлик билан барча спорт мусобақаларидан четлаштирилиши керак", - дейилади мактубда.
