Саудия Арабистонининг "Ан-Наср" клуби янги футболчиси Иньиго Мартинес жамоа даражаси ҳақида гапирди.
"Ан-Наср" барча титулларни қўлга киритишга интилаётган рақобатбардош жамоа ва буни кўриш мумкин. Лекин олдинда қиладиган ишларимиз кўп. Бу ерда чемпионатнинг бундай юқори даражада бўлишини кутмагандим," - дея Мартинеснинг сўзларини келтиради Marca.
Ҳимоячи Саудия Арабистонида ғалаба қозониш осон эмаслигини тан олди, чунки ўйин темпи жуда юқори.
"Ан-Наср" 4 турдан сўнг 12 очко жамғарган ҳолда Саудия Арабистони Про-лигаси турнир жадвалида пешқадамлик қилмоқда.













