Франция терма жамоаси ва «ПСЖ» ҳужумчиси Усмон Дембеле «Олтин тўп»ни қўлга киритгандан кейин унинг қалбини энг кўп жунбушга келтирган табрик кимдан бўлганини ошкор қилди.

«Мен учун айниқса таъсирчан бўлган табрик? Бу Лионель Мессидан эди. У менга шахсан ёзди. Шунингдек, “Барселона”даги собиқ мураббийим Хави Эрнандес ҳам ёзди. Кўплаб собиқ “Барса” футболчилари — Луис Суарес ва бошқалар ҳам хурсанд бўлишди. “ПСЖ” футболчилари ҳам табриклашди. Ашраф Ҳакимий, мураббий, Луис Кампуш ва бошқалар табрик ҳам йўллади», — дея Дембеленинг сўзларини Goal нашри France Footballга таяниб ёзди.

Ўтган мавсумда Дембеле клуб даражасида барча мусобақаларда 53 та учрашувда майдонга тушиб, 35 та гол ва 16 та голли узатма қайд этди. «ПСЖ» сафида у Франция чемпиони, миллий Кубок ва Суперкубок, шунингдек, Чемпионлар лигаси ва УЕФА Суперкубогини қўлга киритди.