"Барселона" футболчиси Дани Ольмо Серхио Бускетснинг фаолиятини якунлаш қарорига муносабат билдирди.
"Интер Майами"нинг 37 ёшли ярим ҳимоячиси яқинда жамоани тарк этишини эълон қилди. У йил охирида футболчилик фаолиятини якунлайди.
"Бетакрор футболчи, ибратли инсон. Сен футболни тушуниш ва ўйиннинг ўзини ўзгартирдинг. Абадий афсонасен. Сен билан бирга ўйнаш мен учун шараф эди. Менга янада мукаммалроқ бўлишимга ёрдам берган қимматли сабоқларинг ва биргаликдаги онларимиз учун миннатдорман. Келажакда сенга энг эзгу тилакларимни тилайман, дўстим. Сени майдонда жуда соғиниб қоламиз," - дея Ольмо ижтимоий тармоқларда ёзди.
"Интер Майами"га ўтишидан олдин Серхио Бускетс узоқ йиллар давомида "Барселона" шарафини ҳимоя қилган эди.
