"Вест Хэм" шанба куни Грэм Поттер билан хайрлашди - мураббий жамоанинг қониқарсиз натижалари туфайли ишдан бўшатилди. Энди Лондон клуби янги бош мураббий номини эълон қилди. Сюрприз бўлмади - "болғачилар" бошқарувига кутилганидек Нуну Эшпириту Санту тайинланди.
Португалиялик мутахассис "Вест Хэм" билан 3 йиллик шартнома имзолади. Нуну Эшпириту Санту жамоа бошқарувидаги илк ўйинини 29 сентябрь, душанба куни ўтказади. Шу куни "болғачилар" Премьер-лига доирасида "Эвертон" меҳмони бўлади.
Нуну Эшпириту Санту бу мавсумни "Ноттингем Форест"да бошлаган, аммо ушбу клуб хўжайини билан муносабатлари бузилгани учун ишдан бўшатилганди.
