"ПСЖ" марказий ҳимоячиси Илья Забарний Париж гранди сафидаги дебют голи ҳақида фикр билдирди.
Украиналик футболчи Лига 1 6-туридан ўрин олган "Осер"га қарши уй учрашувида (2:0) гол урди.
"Фақат олдинга интилиш керак. Ўз уйимизда биринчи голни урганимдан мамнунман. Олдимизга қўйган мақсадлар сари биргаликда ҳаракат қиламиз. Бизда дунёдаги энг яхши жамоа бор", - дея украиналик футболчининг сўзларини келтиради Footmercato.
Илья ўтган трансфер ойнасида "Борнмут"дан Париж жамоаси сафига қўшилганди. 23 ёшли ҳимоячи билан 5 йиллик узоқ муддатли шартнома имзоланди. Унинг трансфери "ПСЖ"га 63 миллион еврога тушган.
