Туркия терма жамоаси ва Мадриднинг "Реал" клуби ярим ҳимоячиси Арда Гюлер Европанинг бир қатор клублари қизиқишлари доирасида. 20 ёшли хавбекнинг ўйинларини "Боруссия", "Ньюкасл", "Арсенал", "Милан", "РБ Лейпциг" ва "Тоттенхэм" вакиллари кузатиб бормоқда.
Caught Offside нашри тарқатган хабарга кўра "қироллик клуби" раҳбарияти футболчи билан хайрлашмоқчи эмас. "Қаймоқранглилар" хўжайинлари туркиялик футболчига узоқ муддатли истиқболда умид боғламоқда.
Арда икки йил олдин Мадрид грандига кўчиб ўтган. Гюлер ва испанлар ўртасидаги шартнома муддати 2029 йилнинг ёзида тугайди. Унинг бозор нархи 45 миллион еврони ташкил этади.
