Испаниянинг "Хетафе" клуби бош мураббийи Хосе Бордалас "Леванте"га қарши ўйинда ўз футболчисидан ғайриоддий тарзда фойдаланганини тушунтирди. Испания чемпионатининг 7-тур учрашуви 1:1 ҳисобида якунланди.
Мураббий ўнг қанот ҳимоячиси Аллан Ньомни ҳужум чизиғига қўйди. Ўйиндан сўнг нима учун шундай қилгани ҳақидаги саволга Бордалас қуйидагича жавоб берди:
"Сиз нима деб ўйлайсиз? Бизда фақат битта, яъни Борха Майораль тимсолида ёлғиз ҳужумчимиз бор. Менга битта ҳужумчига эга бўлган бошқа профессионал жамоани кўрсатинг. Майли, кутиб тураман".
Ушбу учрашувдан сўнг "Хетафе" 11 очко билан чемпионатда олтинчи ўринда бормоқда. "Леванте" эса 5 очко билан ўн олтинчи ўринни эгаллаган.
