Италия чемпионати 2025/26 йилги мавсуми 5-туридан ўрин олган «Милан» ва «Наполи» жамоалари ўртасидаги ччрашув Миландаги «Сан-Сиро» стадионида бўлиб ўтди. Баҳсда уй эгалари 2:1 ҳисоби билан ғалаба қозонди.

Ҳисобни учинчи дақиқада миланлик ҳужумчи Алексис Салемакерс очди. 31-дақиқада «қизил-қоралар» форварди Кристиан Пулишич фарқни икки голга етказди.

Иккинчи бўлимда майдон эгаларининг ҳимоячиси Первис Эступиньян жарима майдони ичидаги қоидабузарлик учун майдондан четлатилди. «Наполи» ярим ҳимоячиси Кевин Де Брёйне 60-дақиқада пенальтини аниқ амалга оширди.

Неаполликлар бир киши кўп бўлиб ўйнаганига қарамай, қолган дақиқаларда рақиб дарвозасига йўл топа олишмади.

Жорий мавсумда Антонио Конте қўл остидаги «Наполи» 5 ўйиндан кейин 12 очко тўплаб А Серияси жадвалида учинчи ўринда бормоқда. Массимилиано Аллегри бошқараётган «Милан» эса шунча очко билан биринчи ўринни эгаллаб турибди.

Италия — А Серияси, 5-тур
28 сентябрь 2025 йил, Милан, «Сан-Сиро» стадиони
Милан — Наполи — (2:1)
Голлар: Салемакерс (3'), Пулишич (31') — Де Брёйне (60')
Четлатиш: Эступиньян (57')