"Сантос" президенти Марсело Тейшейра ўнг оёғидаги сон жароҳатидан тикланаётган юлдуз ҳужумчи Неймарнинг соғлиғи ҳақидаги маълумотни янгилади.

Раҳбарнинг сўзларига кўра, миш-мишларга қарамай, бразилиялик бу йил миллий чемпионатнинг сўнгги турларида майдонга қайтиши керак.

"Неймар кетма-кет ўтказилган ўйинлардан сўнг жароҳат олди, у жамоага ёрдам бераётганди. Бизда Бонтемпо, Виктор Уго каби ёшроқ футболчилар бор, уларда ҳам шундай жароҳатлар бор. Шунчаки унинг иши мавқеи туфайли кўпроқ резонансга эга. "Сантос"да керакли техника бор ва биз уларни қайта тиклаяпмиз. Бизда мўлжал бор - у Бразилия чемпионати якунига қадар қайтишга улгуриши керак," - деди Марсело Тейшейра.

Эслатиб ўтамиз, Неймар 18 сентябрь куни "Сантос" машғулотлари вақтида жароҳат олган эди. Унинг тикланиши 6 ҳафта давом этиши, Бразилиядаги мавсум эса декабрда якунланиши кутилмоқда.