"Бенфика" бош мураббийи Жозе Моуриньо ўзи ҳақида фикр билдирди.
"Мен ўзимни ҳеч қачон даҳо деб ҳисобламаганман. Озгина иғвогар бўлишим мумкин, лекин ҳеч қачон шайтон бўлмайман. Даҳо дейсизми? Ҳеч қачон. Албатта, мен доимо ўзимда яхши мураббий бўлиш учун ривожлантирган табиий қобилиятларим борлигини ҳис қилганман.
Фаолиятимда мен туфайли ғалаба қозонилган ўйинлар бўлган. Ўйиндан олдин ёки ўйин пайтида ҳамма нарсани ўзгартирадиган дақиқалар, қарорлар ва стратегиялар бор. Бу сизни: "Мен биз учун ўйинни ютиб бердим" деб ўйлашга мажбур қилади. Аммо мен ўзимни ҳеч қачон даҳо деб ҳисобламаганман. Мен доимо ўзимни жамоанинг бир қисми деб билганман ва ўйинчилар мендан муҳимроқ эканлигини ҳис қилганман. Мен уларга ёрдам бериш учун ёнларида тураман," - дея Моуриньонинг сўзлари УЕФА сайтида келтирилган.
Сешанба куни "Бенфика" Чемпионлар лигаси доирасида "Челси"га қарши ўйин ўтказади.
