"Реал"нинг уругвайлик ярим ҳимоячиси Федерико Вальверде майдонда тез-тез позициясини ўзгартириб туриши ҳақида гапирди.
"Барча мураббийларимдан сўрашингиз мумкин, мен уларга ҳар доим майдонда исталган жойда ўйнашга ва улар хоҳлаган ҳамма нарсани қилишга тайёрлигимни айтганман. Мен ҳеч қачон "Реал"да маълум бир позицияда ўйнашдан бош тортмаганман. Мен ҳар доим мураббийнинг айтганини қиламан", - деди Вальверде журналистларга.
Жорий мавсумда 27 ёшли ярим ҳимоячи барча мусобақаларда 8 та ўйинда майдонга тушиб, 3 та ассистни ўз ҳисобига ёздириб қўйди.
