Лондоннинг "Арсенал" клуби дарвозабони Кепа Аррисабалага қишки трансфер ойнасида жамоани тарк этиши мумкин. Ушбу маълумот TEAMtalk томонидан эълон қилинди.
Манбага кўра, ўтган ёзда "Арсенал" билан шартнома имзолаган 30 ёшли испаниялик посбон январь ойидаёқ Италия А Сериясига йўл олиши мумкин. Таъкидланишича, Кепанинг хизматларига шахсан "Комо" бош мураббийи Сеск Фабрегас қизиқиш билдирмоқда.
Айтиш керакки, Кепа жорий мавсум Англия Лига кубогида фақатгина битта ўйинда иштирок этди.
Дарвозабоннинг "канонирлар" билан шартномаси 2028 йилгача мўлжалланган. Transfermarkt экспертлари футболчининг нархини ўн миллион еврога баҳоламоқда.
