Федерико Кьеза жисмоний ҳолати туфайли "Галатасарой"га қарши ўйинни ўтказиб юборади.

"Ливерпуль" бугун Чемпионлар лигаси умумий босқичининг 2-турида Туркия жамоаси меҳмони бўлади.

Мерсисайдликлар ўтган ҳафтада ҳимоячи Жованни Леонининг жароҳатидан кейин вингерни мусобақа қайдномасига киритган эди.

"Кьеза "Пэлас"га қарши сўнгги ўйинда (1:2) кичик муаммога дуч келди.

У бугун ҳаракат қилиб кўрди, аммо машғулотларни якунлай олмади.

Шунинг учун уни қайдномага киритмасликка қарор қилдик, чунки бир неча кундан кейин "Челси" билан ўйин бор," - деди "Ливерпуль" бош мураббийи матбуот анжуманида.

Слот жамоаси 4 октябрь куни АПЛнинг 7-турида лондонликлар билан ўйнайди.