"Ньюкасл" Чемпионлар Лигаси мусобақасининг 2-турида меҳмонда Бельгиянинг "Юнион" клубини мағлуб этди - 4:0.
"Қарғалар" ҳужумчиси Энтони Гордон дублни расмийлаштирди. 24 ёшли англиялик 43 ва 64-дақиқаларда пенальтидан унумли фойдаланди. Шунингдек, Ник Вольтемаде (17-дақиқа) ва Харви Барнс (80-дақиқа) биттадан гол урди.
"Ньюкасл" (3) Чемпионлар Лигасидаги илк ғалабасини қўлга киритди. "Юнион" (3) илк мағлубиятини қабул қилиб олди.
Кейинги турда "Ньюкасл" ўз майдонида "Бенфика"га қарши баҳс олиб борса, "Юнион" ўз майдонида "Интер" билан куч синашади. Иккала ўйин ҳам 21 октябрь куни бўлиб ўтади.
