Каталониянинг "Барселона" жамоаси Чемпионлар лигаси гуруҳ босқичининг иккинчи турида муваффақиятсизликка учради ва турнирнинг амалдаги чемпиони "ПСЖ"га мағлуб бўлди. Шу тариқа, каталонияликлар ўз футболчиларидан бирининг юбилейини муносиб тарзда нишонлай олмади.
Франциялик ҳимоячи Жюль Кунде барча мусобақаларни ҳисобга олган ҳолда "Барселона" сафида 150-ўйинини ўтказди. У 2022 йил ёзида Испаниянинг бошқа бир клуби - "Севилья"дан "Барселона"га ўтган эди.
У Каталония грандида тўп сурган франциялик футболчилар орасида пешқадам Эрик Абидалдан (193 ўйин) 43 та ўйинга ортда қолмоқда.
