"Барселона" ҳимоячиси Жерар Мартин Чемпионлар Лигаси умумий босқичининг 2-туридан ўрин олган "ПСЖ"га (1:2) қарши ўйиндаги мағлубият ҳақида фикр билдирди.
"Биз етарлича яхши даражада ўйнадик, лекин ахир бу энг зўр жамоа-ку. Тўғри, иккинчи бўлимда ўзимизни кўнгилдагидек кўрсата олмадик. Ўйлайманки, агар биз уйда мағлуб бўлишимиз керак бўлса, бу ҳозир, иложи борича эртароқ содир бўлгани яхши. Бу бизга ўзимизни тузатиш ва бошқа ўйинларда муваффақиятли иштирок этиш учун кейинги босқичга яхшироқ тайёр бўлиш имконини беради. Биз яхши жанг қилдик, аммо бундай рақибга қарши ўзимизга талабчанроқ бўлишимиз керак," - дея Мартиннинг сўзларини келтиради УEФА расмий сайти.
