«Нефтчи» клубида муҳим тайинлов амалга оширилди. Украина футболида катта тажрибага эга мутахассис, собиқ мураббий Игор Иванович Химич энди «Нефтчи» футбол академияси директори сифатида фаолият юритади.

Игор Иванович Химич академиямизда машғулотларни Лобановский методи асосида ташкил этишни режалаштирмоқда. Бу метод футболчиларнинг жисмоний тайёргарлиги, тактик фикрлашини ва жамоавий уйғунлигини юқори даражада шакллантиришга қаратилган.

Игор Химич хақида

-  1967 йил 1 сентябрь куни Украина туғилган.

-  Футболчилик фаолияти давомида «Нива» (Мироновка), «Катех» (Ирпин), «Факел-ГПЗ» (Варва) ва «Ригонда-2» (Бела Серква) клубларида дарвозабон сифатида ўйнаган.

-  2001 йилда футболчи сифатида карьерасини якунлаб, мураббийликка ўтди.

-  2002–2010 йилларда бир неча марта «Рос» (Бела Серква) клубини бошқарган.

-  2010 йилда қисқа муддат «Десна» (Чернигов) жамоасида бош мураббий вазифасини бажарган.

-  Кейинги йилларда Украина футбол федерациясида инструктор сифатида ишлаб, методология ва ёш мураббийларни тайёрлаш бўйича бош мутахассис лавозимида фаолият олиб борган.

Игор Иванович Химич клубимиз академиясини янада замонавий ва самарали тизим асосида ривожлантириш, ёш футболчилар учун етук шароитлар яратиш ҳамда халқаро тажрибани амалиётга жорий этишни асосий вазифа қилиб белгилаган.