"Барселона" "Бенфика" марказий ҳимоячиси Гонсалу Оливейра билан шартнома имзолаш имкониятини кўриб чиқмоқда.
19 ёшли футболчи ҳали "бургутлар"нинг асосий жамоасида дебют қилгани йўқ, аммо у ўз ватанида катта умидларга эга. Журналист Карлос Монфортнинг хабар беришича, "кўк-анорранглилар" спорт директори Деку яқинда ёш португалияликнинг агентлари билан учрашув ўтказиб, эҳтимолий келишувни муҳокама қилган.
Гонсалу Оливейра Португалия ёшлар терма жамоасида икки марта ўйнаган. Футболчининг "Бенфика" билан шартномаси 2027 йилнинг ёзига қадар мўлжалланган бўлиб, унинг трансфер нархи Transfermarkt экспертлари томонидан 1,5 млн еврога баҳоланмоқда.
