Марказий ҳимоячи Вильям Салиба яқинда Лондоннинг "Арсенал" клуби билан янги шартнома имзолади.
Французнинг меҳнат шартномаси 2030 йилнинг ёзига қадар мўлжалланган, клуб сентябрь ойининг сўнгги кунида шартнома имзоланганини эълон қилди. L’Equipe хабарига кўра, шартнома узайтирилгач, Салиба жаҳон футболидаги энг кўп маош олувчи ҳимоячилардан бирига айланди. "Арсенал" 24 ёшли футболчини Мадриднинг "Реал" клубига ўтишга қизиқтирмаслиги учун катта маош билан тақдирлади.
Салиба Лондон жамоаси сафида жами 141 та ўйин ўтказган.
Шанба куни Микель Артета жамоаси ўз майдонида "Вест Хэм"га қарши баҳс олиб боради.
