"Лидс" ҳужумчиси Дэниэль Жеймс жароҳати туфайли 6 ҳафтагача майдонга туша олмайди, деди жамоа бош мураббийи Даниэль Фарке.
27 ёшли уэлслик машғулотларда тўпиғини қайириб олган. Яқинда у мушаклар билан боғлиқ муаммолардан сўнг майдонга қайтган эди.
"Шифокорларнинг айтишича, у катта эҳтимол билан 4-6 ҳафтани ўтказиб юборади, шунинг учун, тўғрисини айтганда, биз унинг ноябрь ойидаги халқаро танаффусдан сўнг жамоага қайтишини кутмоқдамиз. Агар у эртароқ қайтса, бу бонус ва сюрприз бўлади. Бу унчалик яхши янгилик эмас", - дея Фаркенинг сўзларини келтиради Sky Sports.
2025/26 йилги мавсумда Жеймс 5 та ўйинда голли ҳаракатлар амалга оширмади. У 2021 йилнинг августидан бери "Лидс"да ўйнамоқда.
