Испания терма жамоаси бош мураббийи Луис де ла Фуэнте жамоа ҳужумчиси Ламин Ямал ҳақида фикр билдирди.
Эслатиб ўтамиз, сентябрь ойида Ямал Испания терма жамоаси сафида жароҳат олиб, "Барселона"нинг бир нечта ўйинларини ўтказиб юборишга мажбур бўлганди.
"Мен ҳар доим ҳақиқатни айтаман. Футболда бироз ноқулайлик ёки оғриқ билан ўйнаш одатий ҳол. Ўйин давомида у ҳеч нарсадан шикоят қилмади, фақат кейинроқ шифокорлар мендан кўра яхшироқ тушунтира оладиган бир нарсани ҳис қилди. Бу шунчаки футбол воқелиги - ғайриоддий нарса эмас," - дея де ла Фуэнтенинг сўзларини келтиради Barca Universal.
Ямал Испания терма жамоаси сафида 23 та ўйинда майдонга тушиб, 6 та гол урган ва 12 та голли узатмани амалга оширган.
11 ва 14 октябрь кунлари Испания терма жамоаси ЖЧ-2026 саралаш босқичи доирасида мос равишда Грузия ва Болгарияга қарши ўйин ўтказади.
