Томас Тухель октябрь ойидаги йиғинга Англия терма жамоасига чақирган футболчилар рўйхатидан Фил Фоден четда қолди. Бу борада "Манчестер Сити" бош мураббийи Хосеп Гвардиола изоҳ берди.
"Тухель Англия терма жамоаси учун нима кераклигини мендан миллион марта яхшироқ билади. Фақат шуни айтишим мумкинки, агар Фоден ҳозиргидек ўйнаса, терма жамоага қайтади.
Фоденнинг терма йиғинини ўтказиб юборишидан хурсандманми? Футболчилар терма жамоаларга кирганидан хурсанд бўламан. Аммо улар соғ-саломат қайтишса, янада хурсанд бўламан," - деди Гвардиола журналистларга.
5 октябрь, якшанба куни "Манчестер Сити" сафарда "Брентфорд" меҳмони бўлади.
