Испания топ-клуби Туриннинг "Ювентус" клуби ҳужумчисига қизиқиш билдирмоқда.

Италиянинг Calciomercato нашри манбаларига кўра, "Атлетико" раҳбарияти 2026 йилнинг январь ойидаёқ Душан Влаховични ўз сафига қўшиб олишга жиддий қизиқиш билдирмоқда. "Ювентус" клуби 25 ёшли сербиялик футболчини яқин трансферлар ойнасида сотиб юбориш ҳақида ўйламоқда, чунки жамоа уни келаси ёзда текинга қўлдан чиқаришни истамаяпти.

Қайд этилишича, туринликлар камида 20 млн евролик таклиф олса, ҳужумчисини қўйиб юборади.

Жорий мавсумда Душан Влахович "Ювентус" сафида барча мусобақаларда 7 та ўйинда майдонга тушиб, 4 та гол ва битта голли узатмага муаллифлик қилди. Унинг "кекса синьора" билан амалдаги шартномаси 2025/26 йилги мавсум якунига қадар амал қилади.