"Ливерпуль" ярим ҳимоячиси Флориан Вирц ҳозирча ишончни оқлай олмаяпти. "Қизиллар" 22 ёшли юлдуз учун "Байер"га 125 млн евро тўлаган, аммо статистика янги футболчига қарши эканлиги аниқ - Премьер-лига ва Чемпионлар лигаси ўйинларида бирорта ҳам самарали ҳаракат йўқ.
Шунга қарамай, бош мураббий Арне Слотнинг сўзларига кўра, жамоага Вирцга хос сифатларга эга футболчи керак эди.
"Биз ўтган мавсумда ўйнаган ярим ҳимоячи билан солиштирганда бутунлай бошқача режага эга бўлдик ва у [Вирц] бизга керак эди, деб ҳисоблаймиз, чунки ўтган мавсумнинг иккинчи ярмида биз биринчи мавсумга қараганда ўйиндан камроқ гол ура бошладик.
Биз жамоани шундай қуришга ҳаракат қилмоқдамизки, ғалаба қозониш учун доимий равишда стандартлардан гол уришимиз шарт бўлмасин, ўйинчилар сўнгги дақиқаларда пенальти умидида жарима майдонида йиқилмасин. Бу бизга ёқмаяпти," - деди Слот матбуот анжуманида.
"Ливерпуль" шанба куни АПЛ доирасида "Челси" меҳмони бўлади.
