"Liverpul" yarim himoyachisi Florian Virs hozircha ishonchni oqlay olmayapti. "Qizillar" 22 yoshli yulduz uchun "Bayer"ga 125 mln yevro to‘lagan, ammo statistika yangi futbolchiga qarshi ekanligi aniq - Premyer-liga va Chempionlar ligasi o‘yinlarida birorta ham samarali harakat yo‘q.

Shunga qaramay, bosh murabbiy Arne Slotning so‘zlariga ko‘ra, jamoaga Virsga xos sifatlarga ega futbolchi kerak edi.

"Biz o‘tgan mavsumda o‘ynagan yarim himoyachi bilan solishtirganda butunlay boshqacha rejaga ega bo‘ldik va u [Virs] bizga kerak edi, deb hisoblaymiz, chunki o‘tgan mavsumning ikkinchi yarmida biz birinchi mavsumga qaraganda o‘yindan kamroq gol ura boshladik.

Biz jamoani shunday qurishga harakat qilmoqdamizki, g‘alaba qozonish uchun doimiy ravishda standartlardan gol urishimiz shart bo‘lmasin, o‘yinchilar so‘nggi daqiqalarda penalti umidida jarima maydonida yiqilmasin. Bu bizga yoqmayapti," - dedi Slot matbuot anjumanida.

"Liverpul" shanba kuni APL doirasida "Chelsi" mehmoni bo‘ladi.