"Барселона" бош мураббийи Ханс-Дитер Флик жамоасини бирдамликни сақлашга чақирди.

"Биз бир жамоа бўлишимиз керак - ўтган мавсумнинг муваффақияти айнан шунда эди. Гап нафақат футболчилар, балки ҳамма ҳақида: мураббийлар, штаб, клуб, мухлислар ҳақида кетмоқда. Ҳамма ғалаба қозонишни ва ҳар бир совринни ютишни хоҳлайди. Биз айнан шунга эришмоқчимиз ва бунинг учун барчанинг иштироки керак.

Терма жамоалардаги ўтган танаффусдан кейин кўрганларим учун миннатдорман - кайфият ижобий эди, машғулотлар яхши ўтди. Кўриниб турибдики, биз ҳаммасига ишонамиз. "ПСЖ"дан мағлубият бўлиши мумкин, чунки улар ажойиб жамоа. Аммо биз олдинга силжишимиз керак," - деди Флик журналистларга.

5 октябрь, якшанба куни "Барселона" сафарда "Севилья" меҳмони бўлади.