МЛС чемпионати доирасидаги навбатдаги баҳсда «Интер Майами» ўз майдонида «Нью-Инглэнд Революшн» жамоасини қабул қилди. Учрашув Форт-Лодердейл шаҳридаги «DRV PNK Stadium»да бўлиб ўтди ва мезбонларнинг 4:1 ҳисобига ғалабаси билан якунланди.

Ғолиб жамоа сафида Тадео Алленде ва Жорди Альба иккитадан гол уришди. Аргентиниялик ҳужумчи Лионель Месси учта голли узатма муаллифи бўлди.

«Нью-Инглэнд Революшн» жамоасининг ягона голини Дор Тургеман урди.

«Интер Майами» сўнгги уч учрашувдаги илк ғалабасини қўлга киритди. Шу билан бирга, «Нью-Инглэнд Революшн» охирги олти ўйинда тўртинчи мағлубиятини қайд этди.

Кейинги турда «Интер Майами» «Атланта Юнайтед»га қарши майдонга тушади, «Нью-Инглэнд Революшн» эса «Чикаго Файр» билан беллашади.

АҚШ — Major League Soccer (МЛС)
2025 йил 5 октябрь, якшанба
Форт-Лодердейл, «DRV PNK Stadium»
Интер Майами (Майами) — Нью-Инглэнд Революшн (Фоксборо) - 4:1
Голлар: 1:0 — Алленде (32'), 2:0 — Альба (45+3'), 2:1 — Тургеман (59'), 3:1 — Алленде (60'), 4:1 — Альба (63')