16 ёшли Хильберто Мора Европанинг яна бир гранди - "Барселона" радарига тушиб қолди. "Кўк-анорранглилар" скаутлари Мексиканинг "Тихуана" клуби ҳужумкор ярим ҳимоячисининг ўйинларини биринчи марта кузатаётгани йўқ, дея хабар беради Mundo Deportivo. Вундеркиндга даъвогарлар орасида Мадриднинг "Реал", "Арсенал", "Манчестер Сити", "Манчестер Юнайтед", "Интер Майами" ва "Аякс" клублари ҳам бор. Агент Рафаэла Пиментанинг сўзларига кўра, футболчи яқин келажакда Европага кўчиб ўтишга тайёр.
Transfermarkt портали Хильберто Моранинг нархини 4,5 млн еврога баҳоламоқда. Футболчи аллақачон Мексика терма жамоасида уч марта ўйнашга муваффақ бўлган.
