"Реал" ҳужумчиси Винисиус Жуниор "Вильярреал"га қарши ўйиндан кейин ўз фикрлари билан ўртоқлашди.
Испания чемпионатининг 8-тури доирасида "Реал" ўз майдонида "Вильярреал"ни 3:1 ҳисобида таслим этди.
"Мухлислар ва уй стадиони - барчаси биз учун идеал кечди. Ла Лигада ғалаба қозониш учун шу руҳда давом этишимиз керак, чунки бу жуда қийин бўлишини биламиз. Биз уй ўйинларида очко йўқотишимиз мумкин эмас", - дея Винисиуснинг сўзларини келтиради "қаймоқранглилар" матбуот хизмати.
Айни вақтда "Реал" Испания чемпионатида 8 учрашувда 21 очко тўплаб, турнир жадвалида пешқадамлик қилмоқда. Кейинги турда Хаби Алонсо шогирдлари "Хетафе" меҳмони бўлади.
