"Ньюкасл" бош мураббийи Эдди Хау ярим ҳимоячи Эллиот Андерсоннинг "Ноттингем Форест"га кетиши ҳақида гапирди.
2024 йилнинг ёзида 22 ёшли англиялик хавбек 41 миллион евро эвазига "ўрмончилар" сафига ўтганди.
"Биз уни катта чегирма билан сотаётганимизни билардик, акс ҳолда очколаримизни олиб ташлашар эди. Сотишдан бошқа иложимиз йўқ эди, лекин сотишни хоҳламадик. Ўшанда ҳам, ҳозир ҳам бу трансферга рози бўлмаганман", - дея Эдди Хаунинг сўзларини келтиради Mail Sport.
Андерсон "Ньюкасл" тарбияланувчиси ҳисобланади. У асосий жамоа сафида 55 та ўйинда майдонга тушиб, 3 та голли узатмани амалга оширган.
