Мадриднинг "Реал" клуби "Бавария" ҳимоячиси Дайо Упамеканони таклиф этиш ҳақида ўйламоқда. Бу ҳақда инсайдер Николо Скира хабар бермоқда.
Аввалроқ, "Реал" "Ливерпуль" ҳимоячиси Ибраима Коната билан шартнома имзолаш мақсадга мувофиқлигига шубҳа қила бошлагани ҳақида хабарлар тарқалган эди. Шу сабабли "қаймоқранглилар" таркибни кучайтиришнинг бошқа вариантларини излашади. Таъкидланишича, рўйхатда "Реал" Конатенинг ўрнига олиши мумкин бўлган Упамекано ҳам бор.
Эслатиб ўтамиз, Упамеканонинг шартномаси келаси ёзда ўз ниҳоясига етади. Бу шуни англатадики, январь ойидаёқ 26 ёшли француз "Бавария" билан шартномани узайтирмаса, исталган клуб билан музокараларни бошлаши мумкин.
