"Ювентус", "Парма" ва Италия терма жамоасининг собиқ дарвозабони Жанлуиджи Буффон ўз терма жамоасининг 2026 йилги жаҳон чемпионатига чиқиш имкониятлари ҳақида гапирди.
"Биз 90 фоизга плей-оффга чиқамиз. Қолган ўйинларда сўнгги пайтларда қўлга киритган ижобий жиҳатларимизни намойиш этишимиз керак. Одамлар ва оммавий ахборот воситалари бизга ишониши керак - биз футболга бўлган меҳримизни кўрсатишимиз керак", - дея Буффоннинг сўзларини келтиради Goal.com.
ЖЧ-2026 саралашида ўтказилган тўртта ўйиндан сўнг Италия ўз гуруҳида тўққиз очко билан иккинчи ўринни эгаллаб турибди. Норвегия терма жамоаси бешта учрашувдан кейин 15 очко билан пешқадамлик қилмоқда.
