"Интер" "Брюгге" ярим ҳимоячиси Александр Станковични қайта сотиб олиш имкониятидан фойдаланмоқчи, дея хабар бермоқда L’Interista.
Манбага кўра, 20 ёшли сербиялик футболчининг трансфери 2027 йилнинг ёзида амалга ошиши мумкин. Битим суммаси 25 миллион еврони ташкил этади.
Станкович 2025 йилнинг июлида "Интер"дан "Брюгге"га ўтганди. 2025/26 йилги мавсумда барча мусобақаларда 15 та ўйинда майдонга тушиб, 1 та гол урган. Ярим ҳимоячи Сербия терма жамоасига илк чақирувини олди, у 11 октябрь куни Албания терма жамоаси билан ЖЧ-2026 саралашида ўйнайди.
Станковичнинг "Брюгге" билан шартномаси 2029 йилнинг 30 июнига қадар амал қилади. Transfermarkt портали футболчининг трансфер қийматини 13 миллион еврога баҳолаган.
