"Монако" янги бош мураббий тайинлаш устида ишлашда давом этмоқда.
Аввалроқ, француз клуби терма жамоалар ўйинларидаги танаффус вақтида Ади Хюттерни истеъфога чиқармоқчи экани маълум бўлганди.
Кейинроқ монегаскликларни Эдин Терзич бошқариши мумкинлиги ҳақида маълумотлар пайдо бўлди, аммо L'equipe хабарига кўра, Дортмунднинг "Боруссия" клуби собиқ мураббийи "Монако" вариантидан кўнгли тўлмаган ва музокаралар якунланган.
Қайд этилишича, монаколиклар ҳали Марко Розе ва Тиаго Мотта билан боғланмаган, бироқ Tutto Sport хабарига кўра, италиялик мутахассис бошқа таклифларни, хусусан, А Сериядан таклифларни кутмоқда.
