"Барселона" футбол клуби ўтган мавсум якунларига кўра қанча даромад қилгани маълум бўлди.
"Кўк-анорранглилар" матбуот хизмати хабарига кўра, клубнинг даромади 994 миллион еврони ташкил этган. Шу билан бирга, "Барселона"нинг соф фойдаси 2 млн еврони ташкил этди. Клуб кетма-кет иккинчи йил ижобий мувозанатга эриша олди, бу эса иқтисодий таркибга ижобий таъсир кўрсатади.
Қайд этилишича, жамоа ўз уйи "Камп Ноу"да ўйнамаган бўлса-да, чипталардан тушган даромад 39 млн еврога ошган. Шунингдек, таъкидланишича, "Барселона" ҳомийлик даромадлари бўйича тарихий максимумга эришган, Nike билан янги келишув 259 млн еврога мўлжалланган.
Испания Ла Лигасининг жорий мавсумида "Барселона" 8 турда 19 очко тўплаган ҳолда 2-ўринни эгаллаб турибди.
