Айтишларича, "Реал" "Манчестер Сити"дан ярим ҳимоячи Родрини ўз сафига қўшиб олмоқчи. Мадрид клуби "Олтин тўп" соҳибига 150 миллион евро атрофида маблағ ажратишга тайёр.
Инсайдер Дин Жонс TEAMtalk’га "Манчестер Сити" Родрини сотишни режалаштирмаётгани ҳақида маълум қилди. "Шаҳарликлар" таркибида ҳамон испаниялик футболчини муҳим футболчи сифатида кўришмоқда ва унинг трансфери бўйича ҳеч қандай таклифни кўриб чиқишмоқчи эмас.
Родри 29 ёшда, унинг "Манчестер Сити" билан амалдаги шартномаси 2027 йилнинг ярмигача мўлжалланган. Родри "шаҳарликлар" сафида жами 272 та ўйин ўтказиб, 26 та гол ва 32 та голли узатмани ўз ҳисобига ёздириб қўйган.
