"Бавария" директори Кристоф Фройнд "Барселона"нинг ёш юлдузи Ламин Ямал ҳақида ўз фикрлари билан ўртоқлашди.

"Шундай ёшда Ламин Ямал билан содир бўлаётган нарсалар — ажойиб. 16–17 ёшда бўла туриб, у "Барcелона"да марказий роль ўйнаяпти ва аллақачон шундай даражада жуда кўп ўйинларда майдонга тушган — бу ҳақиқатан ҳам ҳайратланарли.

Бу ҳолат кўп жиҳатдан ўзига хос — нафақат майдондаги, балки ташқи босимни ҳам бошқариш осон эмас. Руҳий жиҳатдан буларнинг барчасини енгиб ўтиш ёш футболчи учун осон эмас.

Унинг атрофида содир бўлаётган нарса — руҳий ва ҳиссий жиҳатдан ниҳоятда кучли босим. Ижтимоий тармоқлар замонида бу таъсирлар янада кучаяди. Шу сабабли, бундай ёш футболчиларни соғлом муҳит ўраб тургани жуда муҳим", - деди Фройнд.

Эслатиб ўтамиз, Ямал жорий мавсум 5 та ўйинда майдонга тушди ва 2 та гол ҳамда 4 та голли узатмага муаллифлик қилди.