"Bavariya" direktori Kristof Froynd "Barselona"ning yosh yulduzi Lamin Yamal haqida o‘z fikrlari bilan o‘rtoqlashdi.

"Shunday yoshda Lamin Yamal bilan sodir bo‘layotgan narsalar — ajoyib. 16–17 yoshda bo‘la turib, u "Barcelona"da markaziy rol o‘ynayapti va allaqachon shunday darajada juda ko‘p o‘yinlarda maydonga tushgan — bu haqiqatan ham hayratlanarli.

Bu holat ko‘p jihatdan o‘ziga xos — nafaqat maydondagi, balki tashqi bosimni ham boshqarish oson emas. Ruhiy jihatdan bularning barchasini yengib o‘tish yosh futbolchi uchun oson emas.

Uning atrofida sodir bo‘layotgan narsa — ruhiy va hissiy jihatdan nihoyatda kuchli bosim. Ijtimoiy tarmoqlar zamonida bu ta’sirlar yanada kuchayadi. Shu sababli, bunday yosh futbolchilarni sog‘lom muhit o‘rab turgani juda muhim", - dedi Froynd.

Eslatib o‘tamiz, Yamal joriy mavsum 5 ta o‘yinda maydonga tushdi va 2 ta gol hamda 4 ta golli uzatmaga mualliflik qildi.