Мадриднинг "Реал" клуби "Челси" ярим ҳимоячиси Энцо Фернандесга қизиқишда давом этмоқда.
"Қироллик клуби" скаутлари "кўклар"нинг яқинда бўлиб ўтган "Ливерпуль"га (2:1) қарши ўйинига ташриф буюришди. Defensa Central нашри тарқатган хабарга кўра "қаймоқранглилар" вакиллари аргентиналик хавбекнинг ўйинидан ҳайратга тушишган ва уни ўз сафига қўшиб олиш зарурлигига яна бир бор ишонч ҳосил қилишган. 24 ёшли футболчининг ўзи "Реал"да ўйнашни истайди, аммо унинг нархи - тахминан 130 млн евро - жиддий муаммога айланиши мумкин.
Transfermarkt портали Энцо Фернандеснинг нархини анча арзон - 75 млн еврога баҳоламоқда. Футболчининг "Челси" билан амалдаги меҳнат шартномаси 2032 йилгача мўлжалланган.













